澩嫪
DRG|2026·8
Hip HopBoom Bap
專輯
藝人
製作人
歌詞
Verse #1:
星期日晏晝 喺一兩點起身
有灑落嘅陽光 同舒服嘅氣溫
冲返杯咖啡 其實我細個幾憎
擘大眼嘅感覺有啲夢幻但又幾真
今日係難得嘅假期我本來想話匿喺屋企度瞓成日
點知兄弟撥咗個輪過嚟 叫我陪佢行吓 我話唔係幾想出但身體更誠實
我沐浴更衣 and put on my jacket
登出返啱啱登入咗嘅netflix
再放低幾兩 反正落去都係等嘅
你知我啲兄弟啦 遲到就梗嘅
行出咗門口 打兩聲招呼 轉個頭就到咗小巴站
走咗兩架車 兄弟先到 我下意識話 「屌你啦咁撚慢」
行埋一邊 一齊煲咗支煙 仲未有「車」
有啲姨姨行過拉緊車仔 有啲手推
隔離座個龍仔唔知放狗定比狗追
秋風拂面 我諗係咪上帝用把口吹
由佢啦 另轉身同兄弟傾偈討論陣間要行咩plan
先傾到一半 突然聽到行車聲
and then we hop on the van
好快到咗觀塘
喺裕民坊落車跟住沿地鐵站行咗去觀廣
我諗因為今日係紅日 所以條街顯得有啲冷清同寬敞
一路行我發現新開咗幾間大陸嘢 又有好幾個舖位吉咗
本來諗住食嗰間食開嘅茶記 Fuck 行到去發現佢執咗 我屌
Verse #2:
好快搭到旺角站
突然墟冚到我連行過都要攝位
兩種語言喺耳仔邊接軌
佢哋好似行慢一步都當蝕底
我都冇謂屌啦 屌嚟都嘥氣
由街頭到街尾 仲講埋啲歪理
喺行人路踎低 可能唔慣齋企
要捉人揼煙頭 咁呢咋要拉未？
佢哋認真講嘢勁真心
冇微信支付請新增
霓虹變射燈
都冇人再寫生
喺廟街影寫真 夜繽紛
寫新聞個主編
話唔可以太均真
咁樣會亂軍心
說好香港故事
喺發利建興富士
美其名曰小別勝新婚
迎面走嚟兩個借錢黨
佢哋覺得囈就實要應承
學佢詐傻扮懵我掂當
我話得返幾蚊買蜜雪冰城
佢哋想利用人哋嘅同情
但係唔知香港人多數精明
有阿叔執緊啲食剩嘅煙頭
而電視機話呢度歌舞升平
我知佢哋最興啊
攞張永久性嘅證件
之後逐漸離婚
個社會太雜
唔係我不近人情
只係想和平地獨善其身
我都唔知有咩好拗
淨係知呢度太吵鬧
佢哋話我哋係一家人
但係我唔會將屋企搞到咁澩嫪
版本紀錄